पर्यटन विकास र प्रवद्र्धनका लागि रारा महोत्सवः कर्णालीको समृद्धिका लागि नयाँ आयाम थपिने

‘स्वच्छ सुन्दर हाम्रो रारा, विश्वमा चिनाऔँ मिलि जुलि सारा’ नारासहितको वृहत् योजना, ५ करोड बजेट अनुमान
निर्माण सञ्चार, मुगु | ६ नं. प्रदेशको मुख्य पर्यटकीय गन्तव्यको रुपमा रहेको राराको पर्यटन प्रवद्र्धन गर्ने उद्देश्यले ५ दिने बृहत रारा पर्यटन महोत्सव हुने भएको छ । रारालाई प्रदेश नं. ६ कै मुख्य आम्दानीको स्रोत मानिएको छ ।

मनमोहक राराको दृश्यावलोकन र समग्र कणार्लीको पर्यटन विकासका लागि बृहत रारा पर्यटन महत्सव हुने रारा पर्यटन विकास समितिका अध्यक्ष तथा रारा बचाउ अभियानका अभियान्ता देबीकृष्ण रोकायले बताए ।

रोकायाका अनुसार महोसत्वको तयारी तिब्र रुपमा अघि बढिरहेको छ । राराको संरक्षण तथा रारा विकासका आधारहरु तय गर्न बृहत रारा महोत्सव गर्न लागिएको उनको भनाइ छ ।

पर्यटन, धार्मिक, सांस्कृतिक तथा प्राकृतिक गन्तव्यको रुपमा रहेको मुगु र रारा क्षेत्रको प्रवद्र्धनका लागि सम्बन्धित सबै सरोकारवालासँग सहकार्य गरेर वैशाख अन्तिम साता रारा महोत्सव गर्न लागिएको रोकायले जानकारी दिए ।

रोकायाले कर्णाली आफैंमा धार्मिक तथा प्राकृतिक हिसाबले संसारकै उच्च पर्यटकीय गन्तव्य रहेको बताए ।

यस क्षेत्रको प्रचार÷प्रसारका लागि पर्यटन महोत्सवले प्रभावकारी भूमिका खेल्ने भन्दै राराको चौतर्फी विकासका लागि आफू प्रतिवद्ध रहेको उल्लेख गरे । कर्णाली आफैँमा सांस्कृतिक तथा जैविक विविधता भएको क्षेत्र हो ।

साथै आर्थिक स्रोतका लागि पर्यटनसँगै जलविद्युत, कृषि अर्गानिक र बहुमुल्य जडिबुटीको पकेट क्षेत्र हो ।

उनले भने,‘यस क्षेत्रको समृद्धिका लागि रारा महत्सवले सौन्दर्य र पर्यटनमा नयाँ आयम थप्नेछ ।’

‘अहिले रारा पुग्न हवाई सेवा पनि प्रभावकारी नभएको र कर्णाली राजमार्गको कालो पत्र र स्तर उन्नती नहुँदा समस्या छ, तर वैकल्पिक मार्ग तयारी गरिरहेका छौं । अबको केही वर्षभित्र वैकल्पिक मार्ग सम्पन्न हुने छ,’ उनले भने ।

उनका अनुसार रारालाई अन्तराष्ट्रियस्तरमा प्रचार गर्नका लागि ‘स्वच्छ सुन्दर हाम्रो रारा, विश्वमा चिनाऔँ मिलि जुलि सारा’ भन्ने नाराका साथ मुर्मा गाउँलाई नमूना होमस्टे, मुर्मा टप भ्यु टावरको बृहत योजना अगाडि बढिसकेको छ ।

केबलकार संचालनका लागि २५ रुपियाँ अभियान समेत संचालन गरिने रोकायाले बताए ।

महोत्सवमा राराको सुन्दर दृश्य अवलोकन, घोडा, डुंगा र साइकल सयर, कर्णालीको बृत्तचित्र प्रर्दशन, स्थानीय उत्पादनको प्रदर्शनी, हिमालयन गाइड्स रारा म्याराथन, विविध सांस्कृतिक झाँकी, खेलकुद कार्यक्रम, राष्ट्रिय कलाकारको साथमा सांस्कृतिक कार्यक्रम र स्थानीय मौलिक खाना समेत आकर्षणको रुपमा रहने जनाइएको छ ।

रारा संरक्षण तथा सम्बद्र्धन महोत्सवका लागि करिब ५ करोड बजेट लाग्ने अनुमान गरिएको छ ।

जुम्लाबाट सागर परियारको रिपोर्ट

 ...

बुधबार ९, फागुन ०७४ 

प्रतिक्रिया

Related