सनराइज बैकले सुरु गर्यो पाशुपत क्षेत्रमा पर्यटक प्रवेश काउन्टर

सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्य
निर्माण सञ्चार, काठमाडौँ | सनराइज बैंक लिमिटेडले आफ्नो सेवा बिस्तार गर्ने क्रममा पाशुपत क्षेत्रमा ४ वटा क्रमशः तिलगंगा, वत्सलेश्वरी, महास्नान घर अगाडि र गुहेश्वरीमा पर्यटक प्रवेश काउण्टर संचालनमा ल्याएको छ ।

उक्त काउण्टरको उद्घाटन बैंकका संचालक समितिका सदस्य ज्योति कुमार बेगानी र पशुपति क्षेत्र विकास कोषका सदस्य सचिव डा. प्रदिप ढकालले संयुक्त रुपमा गरे ।

विभिन्न मुलुकहरुबाट भ्रमणका लागि पाशुपत क्षेत्रमा आउने गैर हिन्दु पर्यटकहरुलाई दिईने प्रवेशाज्ञा वापत बिक्रि गरिने पर्यटक प्रवेश शुल्कलाई समयानुकुल बैंकिङ्ग प्रणाली मार्फत् टिकट विक्री गर्न उक्त काउण्टरहरु संचालन ल्याएको बैंकले जनाएको छ ।

कार्यक्रममा बैंकका संचालक समितिका सदस्य ओम कृष्ण जोशी, बैंकका प्रमुख कार्यकारी अधिकृत रत्नराज बज्राचार्य तथा पशुपति क्षेत्र विकास कोषका कोषाध्यक्ष, परिषद् सदस्यहरु लगायत बैंकका उच्च पदाधिकारीहरुको उपस्थिति थियो ।

सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले बैंकले ९० वटा शाखा, २२ वटा शाखा रहित बैंकिङ्ग सेवा, ४ वटा एक्सटेन्सन काउण्टर, १०० वटा ए.टि.एम मार्फत आफ्ना ४ लाखभन्दा बढी ग्राहकहरुलाई सेवा प्रदान गर्दै आइरहेको छ ।

...

बुधबार, २ साउन २०७५ 

प्रतिक्रिया

Related