माथिल्लो तामाकोशीको सेयर बाँडफाँड हुँदै

साधारण सेयरमा माग गरिएभन्दा ४ गुणा बढी आवेदन:कसले कति पाउने ?
निर्माण सञ्चार, काठमाडौँ | राष्ट्रिय गौरवको आयोजना माथिल्लो तामाकोशी जलविद्युतले जारी गरेको साधारण सेयर (आईपीओ ) आज बाँडफाँट हुने भएको छ ।

कम्पनीको आईपीओ मंगलबार मध्याह्न ३ बजे राजधानीको बिजुलीबजारस्थित एक ब्यांक्वेटमा बाँडफाँट हुने भएको हो ।

यसअघि नै आयोजनाले पहिलो चरणमा आयोजना प्रभावित स्थानीयका लागि सेयर जारी गरेको थियो ।

आयोजनाले सर्वसाधारणका लागि जारी गरेको साधारण सेयरमा माग गरिएभन्दा ४ गुणा बढी आवेदन परेको छ ।

मंसिर पहिलो साताभित्रै बाँडफाँट गर्ने आयोजनाको तयारी भए पनि पहिलो चरणमा आवेदन दिएकाले त्यसलाई काँटछाँट गर्न समय लागेका कारण आज बाँडफाँट गर्न लागेको आयोजनाका प्रवक्ता गणेशप्रसाद न्यौपानेले जानकारी दिए ।

उनका अनुसार ४ सय ५६ मेगावाट क्षमताको यस आयोजनाको आईपीओका लागि पहिलो चरणमा आवेदन दिइसकेकाको दोस्रो चरणमा दिएको आवेदन रद्द गरिएको छ ।

आवेदन रद्द नभएका सबैको भागमा सेयर पर्ने सम्भावना रहेको आयोजनाको भनाई छ ।

आईपीओका लागि आवेदन सदर भएकाले कम्तीमा ४० कित्ता र अधिकतम् ५० कित्तासम्म पाउने सम्भावना रहेको छ ।

...

मंगलबार, ११ मंसिर २०७५ 

प्रतिक्रिया

Related