रेल किन्ने बाटो खुल्यो, भौतिक मन्त्रालयलले स्थापना गर्दैछ पानी जहाज कार्यालय

निर्माण सञ्चार, काठमाडौं । नेपालको आफ्नै रेल हुने सपना अब पूरा हुने भएको छ । भौतिक पूर्वाधार तथा यातायात मन्त्रालयलाई सरकारले रेल किन्ने स्वीकृति दिएसँगै रेल किन्न बाटो खुलेको हो ।

सरकारका प्रवक्ता तथा सूचना तथा सञ्चारमन्त्री गोकुल बास्कोटाले आज मन्त्रिपरिषदको बैठकका निर्णय सार्वजनिक गर्दै तथा सरकारले उक्त मन्त्रालयलाई रेलगाडी खरिद गर्न स्वीकृत प्रदान गरेको बताएका हुन् ।

यस अघि नै भारतसँग नेपालले जनकपुर(जयनगर रेल सेवा अघि बढाएसकेको छ । जुन रेल आउने फागुनदेखि नियमित सञ्चालन गर्ने तयारी छ ।

त्यही उद्देश्य अनुरुप सरकारले नेपालको आफ्नै रेलगाडी किनेर सेवा सञ्चालन गर्ने गरी मन्त्रिपरिषद् वैठकले सोको स्वीकृति दिएको मन्त्री बास्कोटाको भनाइ छ ।

आउने दिनमा नेपालले भारत र चीनसँग पनि रेलमार्गबाट विस्तार गर्ने गरी रेल कनेक्टिभिटीका लागि अघि बढिरहेको अवस्थामा जनकपुर जयनगर रेल सेवाका लागि आफ्नै रेल किन्न अब भौतिक मन्त्रालयले सक्ने छ ।

पानी जहाज कार्यालय स्थापना गरिदै

यसैबीच भौतिक पूर्वाधार तथा यातायात मन्त्रालयले केही दिनमै पानी जहाज कार्यालय स्थापना गर्ने भएको छ ।

भौतिक मन्त्रालय स्रोत अनुसार सरकारले पानी जहाज कार्यालय पनि स्थापना गर्ने तयारी गरिरहेको छ ।

यसैबीच निजी क्षेत्रबाट सप्तकोशीमा पानी जहाज सञ्चालनमा आइसकेको अवस्था छ भने सरकारले उक्त कार्यालयका लागि १६ कर्मचारीको दरबन्दी पनि तोकिसकेको छ ।

पानी जहाज कार्यालय स्थापना गर्नेबारे यस अघि प्रधानमन्त्री ओलीले संसद्मा पनि बताएका थिए ।

 

 

...

बिहीबार, ३ माघ, ०७५

 

प्रतिक्रिया

Related