माउन्ट रोयल एजुकेसनको शाखा अब सुर्खेतमा

निर्माण सञ्चार ,सुर्खेत । माउन्ट रोयल एजुकेसनले सुर्खेतको बिरेन्द्रनगरमा आफ्नो शाखा बिस्तार गरेको छ ।

मंगलबार एक कार्यक्रमका बिच कर्णाली प्रदेश सरकारका सामाजिक विकास मन्त्री दल रावलले एजुकेसनको शाखा उद्घाटन गरेका हुन् ।

जापानको टोकियोस्थित इकेबुकुरोमा प्रमुख कार्यालय र नेपालमा काठमाण्डौको पुतलिसडकमा केन्द्रिय कार्यालय रहेको एजुकेसनले प्रदेश शाखा बिस्तार गर्ने क्रममा सुर्खेतमा शाखा स्थापना गरेको हो ।

समग्र कणाली प्रदेशलाई समेट्ने गरी शाखा बिस्तार गरेको हो ।

उद्घाटन कार्यक्रमका प्रमुख अतिथि मन्त्री रावलले देश समृद्धिको बाटोमा अघि बढिरहेको भन्दै युवाहरूलाई विदेश नजान र जानैपरे आवश्यक ज्ञान र सीप सिकेर जान सुझाव दिए ।

उनले नेपाली यूवाहरुलाई भाषामा सक्षम बनाएर मात्रै जापान पठाउनुपर्नेमा जोड दिए ।

रोयल जापानीज ल्याङ्गवेज कलेजका प्रिन्सिपल हिरानाथ महर्जनले आफुहरुले जापानीज भाषा मात्र नभई त्यहाँको संस्कृति पनि सिकाउने गरेको र त्यसले विद्यार्थीको जापान बसाइमा सहयोग पुर्याउने दावी गरे ।

त्यसैगरी रोयल एजुकेसनका म्यानेजिङ्ग डाइरेक्टर मेघराज शाहीले नेपाली युवालाई वैदेशिक रोजगारीको लागि जापान सुरक्षीत र बिस्वस्निय गन्तव्य हुनसक्ने संभावना औल्याए ।

संघीय राजधानी काठमाण्डौबाट बिगत पाँच बर्षदेखि सेवा दिइरहेको जानकारी गराउदै उनले सो सेवा अब कर्णाली प्रदेशबाट पनि उपलब्ध गराइने बताए ।

जापनिज भाषा पढ्नका लागि मात्रै काठमाडौ पुग्नुपर्ने बाध्यता र असहजतालाई ध्यान दिदै युवा विद्यार्थीको सहजताका लागि सुर्खेतमा शाखा बिस्तार गरिएको शाहीको भनाइ थियो ।

 

...

बुघबार, २३ माघ, ०७५ 

प्रतिक्रिया

Related