अब भूकम्प पीडितले एकैपटक २ लाख ५० हजार पाउने

‘दोस्रा किस्ताका लागि योग्य भूकम्प पीडितलाई अग्रीम रुपमा तेस्रो किस्ता दिने तयारी’
निर्माण सञ्चार, काठमाडौं | अब दोस्रो किस्ताका लागि योग्य भूकम्प पीडितहरुले अग्रीम रुपमा नै तेस्रो किस्ता पाउने भएका छन् ।

लाभग्राहीले स्थानीय तहको जिम्मामा ५ महिनाभित्र घर सम्पन्न गर्ने शर्तमा गाउँपालिका र नगरपालिकाको सिफारिसमा नै तेस्रो किस्ता अवास अनुदान अग्रिम रुपमा पाउने भएका हुन् ।

राष्ट्रिय पुननिर्माण प्राधिकरणले निजी अवास निर्माणमा लाभग्राहीलाई अग्रीम रुपमाा तेस्रो किस्ताको रकम उपलब्ध होस् भनी गरेको प्रस्तावलाई अर्थ मन्त्राललयले स्वीकृति दिएको हो ।

प्राधिकरणका प्रवक्ता यमलाला भुसालका अनुसार प्राधिकरणको प्रस्तावलाई अर्थ मन्त्रालयले सहमति दिएसँगै यस प्रक्रिया अघि बढेको छ ।

प्राधिकरणले यस्तो प्रकारको व्यवस्थाले निजी आवास पुननिर्माणका लागि ठूलो सहयोग पुर्याउने विश्वास लिएको छ ।

भुसालले भेन,‘दोस्रो र तेस्रो किस्ता एकैपटक दिएपछि भूकम्पपीडितले घर बनाउन आँट गर्छन् ।’

उक्त व्यवस्थापछि पहलो किस्ता लिई घरको जग उठाएर दोस्रो किस्ता लिन योग्य भएका घरधनीले दोस्रो किस्तावापतको डेढ लाख र तेस्रो किस्तावापतको एक लाख गरी एकैपटक अढाइ लाख पाउनेछन् ।

त्यस्तै, सोही व्यवस्थापछि निजी आवास निर्माण गर्न चाहने घरधनीले जग उठाइसकेपछि एकमुष्ठ रकम प्राप्त गरी घर निर्माण सम्पन्न गर्न सक्ने भुसालले बताए ।

सरकारले भूकम्प पीडितलाई बन्दै गरेको घर नै धितोमा राखेर बैंकमार्फत् ३ लाख रुपैँया निब्यार्जी ऋण दिने निर्णय समेत गरिसकेको छ ।

....

बुधबार, २५ असोज ०७४ 

प्रतिक्रिया

Related