नेपाली समय: ११:३८:११ बिहान
वि.सं २०७७ कार्तिक ११   मंगलवार

स्वास्थ्य सुरक्षाका मापदण्ड अपनाएर पशुपतिमा दर्शनको व्यवस्था मिलाइने

निर्माण सञ्चार, ४ असार,काठमाडौं । कोरोना भाइरसका कारण विगत लामो समयदेखि बन्द रहेका पशुपतिनाथ मन्दिर स्वास्थ्य सुरक्षाका मापदण्ड अपनाएर  सर्वसाधारणका लागि खुला गर्ने तयारी पशुपति क्षेत्र विकास कोषले गरेको छ।


 पशुपतिनाथ मन्दिर दर्शनार्थीको सुविधालाई मध्यनजर गर्दै खुल्ने भएको शुपति क्षेत्र विकास कोषले जानकारी दिएको छ ।  पशुपतिनाथमा जादाँ अब दर्शनार्थीहरुले सम्पूर्ण स्वास्थ्य सुरक्षाका मापदण्ड पालना गर्नुपर्ने छ। दुई दुई मिटरको भौतिक दुरी कायम गर्दै दर्शन गर्न पाउने व्यवस्था गरिएको जनाइएको छ।

विगतमा दर्शनका लागि खोलिने सम्पूर्ण ढोकाहरु खुला नभएपनि पश्चिमद्वार हुँदै भुवनेश्वरीबाट प्रवेश गराउने तयारी भएको कोषका कार्यकारी निर्देशक डा. घनश्याम खतिवडाले जानकारी दिए।

मन्दिरभित्र प्रवेश गरेपछि पुरै परिक्रममा गर्न भने पाइने छैन। मुल ढोकाबाट नै दर्शन गरी फर्किनुपर्ने कोषका कार्यकारी निर्देशक डा. घनश्याम खतिवडाले बताए। कार्यकारी निर्देशक डा. खतिवडाले सरकारले निर्देशन दिएको दोस्रो दिनपछि नै पशुपतिनाथ मन्दिर सञ्चालन गर्न सकिने अवस्था रहेको जनाए ।

दर्शनार्थीको सुविधालाई मध्यनजर गर्दै मन्दिर खुला भएपनि विशेष पूजाको व्यवस्था भने नगरिने भएको छ। भण्डारी र भट्टहरुलाई संक्रमणको जोखिम बढी भएकाले तत्काल विशेष पूजाको व्यवस्था नहुने उनले बताए।

अहिले नित्य पूजा नरोकिएपनि विशेष पूजा र दर्शन गर्न भने रोक लगाइएको छ। सरकारले अन्य सेवा क्षेत्र खुला गरेसँगै धार्मिक स्थलहरु पनि सञ्चालन गर्नुपर्ने माग राख्दै केही दिनअघि पशुपति क्षेत्रमा प्रदर्शन भएको थियो।

 

 


०००



प्रकाशित: २०७७ आश्विन ४
September 20th 2020

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार