नेपाली समय: १२:५६:४७ राती
वि.सं २०७६ भाद्र ३०   सोमवार

ऊर्जाले माग्यो अर्थ मन्त्रालयसँग ३८ करोड

निर्माण सञ्चार, ३० साउन, काठमाडौं । ऊर्जा, जलस्रोत तथा सिँचाइ मन्त्रालयले अर्थ मन्त्रालयसँग ३८ करोड बढी रुपियाँ उपलब्ध गराउन माग गरेको छ।

ऊर्जा मन्त्रालयले पहिरो तथा बाढीका कारण मुलुक भरि क्षतिग्रस्त भएका सिँचाइ संरचनाहरूको पुनः निर्माणका लागि अर्थ मन्त्रालयसँग ३८ करोड २६ लाख ५२ हजार रुपियाँ उपलब्ध गराउन माग गरेको हो।

ऊर्जा मन्त्री वर्षमान पुनले बिहीबार मन्त्रालयमा पत्रकार सम्मेलन गरी क्षतिग्रस्त संरचना मर्मतका लागि आवश्यक बजेट व्यवस्थापन गर्न अर्थ मन्त्रालयलाई पत्राचार गरिएको जानकारी दिए।

 गत वर्ष पाँच अर्ब  बजेट निकासा भएकोमा यस वर्ष साढे दुई अर्ब मात्रै भएको भन्दै उनले सबै बजेट स्थानीय तहमा गएकाले नदी संरक्षण, नियन्त्रण र जोखिम न्यूनीकरणका लागि तीनवटै सरकारबीच समन्वय आवश्यक पर्ने बताए।

उनले क्षतिग्रस्त संरचनाको मर्मत तथा नयाँ निर्माणका लागि सिँचाइ विभागले तयार पारेको तत्कालीन र दीर्घकालीन कार्ययोजनाअनुसार मर्मत तथा निर्माण गरिने बताए।

उनले तत्कालीन मर्मत र निर्माणका लागि ३८ करोड २२ लाख र दीर्घकालीन कार्यका लागि दुई अर्ब ११ करोड २२ लाख लाग्ने जानकारी दिए।



प्रकाशित: २०७६ साउन ३०
August 15th 2019

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार