नेपाली समय: ०३:३६:३७ बिहान
वि.सं २०७६ मंसिर २२   आइतबार

एकै परिवारका चारसहित पाँच जनाको शव फेला, तीन जना सुरक्षित

निर्माण सञ्चार, १६ असोज, ०७६, काठमाडौं । बारामा एकै परिवारका चारसहित पाँच जनाको शव फेला परेको छ । फेटा गाउँपालिका–४ मा ५ जनाको शव फेला परेको जिल्ला प्रहरी कार्यालय बाराका प्रवक्ता डिएसपी रञ्जित सिंह राठौंरले जानकारी दिए। उनका अनुसार घरभित्र रहेको अन्दाजी ६ फिट गहिरो पानीको खाल्डोमा ती शव भेटिएको हाे।

शव भेटिनेमा बारा बतरा टोलका ४० वर्षीय जोगा मुखिया बिन, उनकी पत्‍नी लालमुनी देवी, छोरी १० वर्षीय सुमनी कुमारी, जोगाका भाइ करिब ३५ वर्षीय महेन्द्र मुखिया बिन र एक भारतीय कामदार मृत्यु भएको डिएसपी राठौंरले बताए।

चार/पाँच दिनदेखि उनीहरुसँगै बस्दै आएका भारतीयको भने परिचय नखुलेको उनले बताए।मृतक महेन्द्रका श्रीमती र उनका दुइ छोरी भने घर बाहिर भएकोले सुरक्षित रहेको राठौरको भनाइ छ।

‘खाल्डोमा मदिरा बनाउन प्रयोग हुने केही कच्चा पदार्थ पनि भेटिएको छ।’ डिएसपी राठौरले भने, ‘मृतकको शरीरमा कुनै चोटपटक छैन। यसो हेर्दा निस्सासिएर ज्यान गएकोजस्तो देखिन्छ। तर पुष्टि भने भएको छैन। मृतकको शव पोष्ठमार्टमका लागि कलैया अस्पताल लगिएको छ।ु घटना बारेमा अनुसन्धान भइरहेको उनले बताए।



प्रकाशित: २०७६ आश्विन १६
October 3rd 2019

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार