नेपाली समय: ११:०४:०७ राती
वि.सं २०७६ मंसिर १९   बिहीवार

काश्की उपनिर्वाचनः ‘संसारको कुनै तागतले नेकपालाई हराउन सक्दैन’

निर्माण सञ्चार, २ मंसिर, पोखरा । नेकपाको बलियो पकड वडाका रुपमा चिनिने पोखरा १७ का मतदाताहरुले उम्मेद्वार विद्या भट्टराई अधिकारीलाई भव्य स्वागत गरेका छन् । 

सोमबार विहानै दोविल्लाबाट घरदैलो अभियान सुरु गरेकी विद्यालाई स्वागत गरेका हुन् । 

घरदैलो सुरु हुनुअघि दोविल्लामा आयोजित कोणसभालाई सम्बोधन गर्दै नेकपा कास्की अध्यक्ष एवं वडा नं १७ का चुनावी कमाण्डर कृष्ण थापाले संसारको कुनैपनि तागतले कास्की २ को निर्वाचनमा नेकपालाई हराउन नसक्ने विश्वास व्यक्त गरे । 

आफ्नो ठाउँमा पराजित भएका व्यक्तिहरु कास्कीमा आएर नेकपा विरुद्ध बोल्नु लाजमर्दो विषय भएको भन्दै अध्यक्ष थापाले अत्यधिक बहुमत सहित विद्याको जीत सुुनिश्चित भएकोे बताए । 

सो अवसरमा बोल्दै उम्मेदवार विद्या भट्टराई अधिकारीले पोखरा १७ पर्यटकीय र धार्मिक हिसावले उत्कृष्ठ रहेको भन्दै उक्त वडा सहित समग्र पोखरामा आवस्यक विकासको जिम्मा आँफूले लिने उद्घोष गरिन् । 

‘यहाँ थुप्रै पर्यटकीय स्थलहरु छन् त्यसको विकासका लागि म जिम्मेवार भएर लाग्ने छु,’ उनले भनिन् । 

सो अवसरमा नेकपा कार्यक्रमा नेकपाको पोखरा महानगर कमिटि अध्यक्ष दिपक पौडेलले वडामा रहेका ८० प्रतिशत मत नेकपाको सूर्य चिन्हमै आउने दाबी गरे । 

दोबिल्ला हुँदै सीतापाईलास्थित समृद्धि टोल, महतगौँडा, रातोपैह«ा, घारीपाटन लगायतका क्षेत्रमा सोमबार नै घरदैलो कार्यक्रम भईरहेको छ । 

यता पोखराको कृष्ति नाच्नेचौरमा भविष्यनिर्माण बुथको कार्यालय उद्घाटन गरिएको छ । सोमबार आयोजित कार्यक्रममा युवा नेता झपट रानाभाट र श्रीराम सुवेदीले संयुक्तरुपमा कार्यालय उद्घाटन गरेका हुन् । भगवान रामचन्द्रको अयोध्याजस्तै नेकपाको लालकिल्ला भएको ठाउँमा बुथ कार्यालय स्थापना गरिएको रानाभाटले बताए ।    


०००

पोखराबाट रामजी लम्सालको रिपोर्ट 

पढौं यो पनि

 



प्रकाशित: २०७६ मंसिर ३
November 19th 2019

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार