नेपाली समय: ०४:५६:०५ बिहान
वि.सं २०७७ साउन २०   मंगलवार

सनराइज बैंकको रिकरिङ्ग खाता संचालनमा

निर्माण सञ्चार, पुस २५, काठमाडौं । सर्वसाधारणलाई विभिन्न सेवा र सुविधा दिदैं आएको सनराइज बैंकले सर्वसाधारणमा बचत गर्ने बानीको  विकास गराउने उदेश्यका साथ सनराइज रिकरिङ्ग खाता संचालनमा ल्याएको छ । 

उक्त खातामा बचत खातामा जसरी रकम जम्मा गर्दै जान सकिनेछ भने व्याज मुद्दती खाता सरह पाइनेछ । आवश्यकता अनुसार १ देखि ५ वर्षका लागी बचत गर्न सकिने उक्त योजनामा दैनिक, साप्ताहिक वा मासिक रुपमा रकम जम्मा गदै जान सकिने बैंकले जनाएको छ ।

खाता खोल्दा न्युनतम बचत एक हजार, त्यसपछि एक पटकमा न्युनतम ५०० वा ५०० को गुणाका दरले जम्मा गर्दै जान सकिनेछ । 

सजिलो र  सुरक्षित हिसाबले बचत खाताको पैसा नियमित रुपमा मुद्दती खातामा जम्मा हुदैं जाने र मोवाइल बैंकिङ्ग र इन्टरनेट बैंकिङ्गबाट पनि सजिलै पैसा जम्मा गर्न सकिने बैंकले जनाएको छ ।

उक्त खातामा पूर्व निर्धारित भन्दा बढी रकम ग्राहकको अनुकुलता अनुसार पटक पटक गरि जम्मा गर्न सकिनेछ । यस खाताको अर्को आकर्षण भनेको त्रैमासिक रुपमा प्राप्त हुने व्याज व्यक्तिगत मुद्दती खाता सरहको उच्च व्याज पाउनु हो । 

साथै आवश्यक पर्दा उक्त खातामा जम्मा भएको रकमको ९० प्रतिशत सम्म कर्जा लिन पाइने व्यवस्था छ । 

यस खातामा फ्लोटिङ्ग व्याजदर लागु गरिएको छ जसले गर्दा बजारको उतार चढाव अनुसारको व्याज दर निर्धारण गर्न मदत पुग्दछ । 

उतार चढाव हुदाँ पनि व्याज प्राप्त हुनेछ । हाल बैंकले मुद्दती खातामा ९.२५ प्रतिशत मा थप ०.५प्रतिशत व्याज प्रदान गर्दै आएको छ ।

यो योजना दैनिकरसाप्ताहिकरमासिक हिसाबले बचत गर्ने सोच भएमा व्यक्तिहरुलाई अति उपयुक्त रहने बैंकले जनाएको छ । 

 

०००



प्रकाशित: २०७६ पौष २७
January 12th 2020

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार