निर्माण सञ्चार, पुस २३, वीरगञ्ज । वीरगञ्जको सरस्वती कपडा उद्योगमा आगलागी भएको छ ।

महानगरपालिकाको वडा नम्बर ५ रेशमकोठीस्थित जवाहिर गुप्ताको सरस्वती कपडा उद्योगमा आगलागी भएको हो ।

आगलागीपछि अलिले त्यहाँ प्रहरी पुगिसकेको छ भने दमकल पनि पुगिसकेको जिल्ला प्रहरी कार्यालय पर्साले जनाएको छ । 

आगलागीका कारण उधोगमा रहेको तयारी कपडा, मटेरियल र मेसिन लगायत करोडौंको माल समाल जलेर नष्ट भएको यकिन गरिए पनि यथार्थ बिवरण भने अहिलेनै आउन सकेको छैन ।

उद्योग सञ्चालकले लाखौंको क्षति भएको बताए पनि प्रहरीले भने क्षतिको पूर्ण विवरण आइनसकेको जनाएको छ ।

बाटो साँघुरो भएका कारण बारुण यन्त्र आगलागी भएको स्थानसम्म लैजान समस्या भएको थियो ।

 

 

०००

प्रकाशित: २०७६ पौष २३