नेपाली समय: १०:४०:१८ बिहान
वि.सं २०७६ आषाढ ३१   मंगलवार

राष्ट्रिय औद्योगिक प्रदर्शनी तथा उत्कृष्ट उद्यमी पुरस्कार–२०७६ जेठ २२ गतेबाट

निर्माण सञ्चार, २० जेठ, २०७६, काठमाडौं ।  नेपाल सरकार उद्योग विभागको आयोजना तथा नेपाल घरेलु तथा साना औघोगिक प्रर्दशनी २०७६ को ३० औं संस्करण राष्ट्रिय लधु, घरेलु तथा साना उद्यमी सम्मान तथा पुरस्कार कार्यक्रम भृकुटीमण्डपमा बुधबारबाट सुरु हुने भएको छ । ‘राष्ट्रिय औद्योगिक प्रदर्शनी तथा उत्कृष्ट लघु घरेलु तथा साना उद्यमी पुरस्कार–२०७६’बुधबार भृकुटीमण्डपमा आयोजना हुने भएको छ।

सोमबार राजधानीमा पत्रकार सम्मेलनमार्फत नेपाल सरकार, उद्योग वाणिज्य तथा आपूर्ति मन्त्रालय, उद्योग विभागको आयोजना तथा नेपाल घरेलु तथा साना उद्योग महासंघको सह–आयोजनामा २०७६ जेठ २२ गतेदेखि २६ गतेसम्म भृकुटीमण्डपमा ३० औं राष्ट्रिय लघु, घरेलु तथा साना औद्योगिक प्रदर्शनी–२०७६ को नामबाट आयोजना गरिन भएको छ ।
 
आर्थिक वर्ष २०७६र०७७ को बजेटले औद्योगिक वस्तुहरुमा आत्मानिर्भर बनाउने र आयात कम गर्न स्वदेशी वस्तुलाई राज्यले दिएको प्राथमिकता लाई सम्बोधन गदै स्वदेशी उपयोगका लागि दिएको प्राथमिकता स्रहानिय रहेको महासंघको भनाई छ ।

यसले स्वदेशी उत्पादनको बजार श्रृजना हुने र लघु तथा घरेलु साना उद्योग प्रवद्र्धनमा सहयोग पुग्ने देखि कपास, रेशम, ऊन, रेशा लगाएतका कपडा उद्योगलाई प्रोत्साहान गरि स्वदेशी कपडा उद्योगलाई विद्युत महसुलमा ५० प्रतिशत छुट र बैंकिन कर्जामा व्याजमा दिने ५ प्रतिशत व्याज अनुदानले आगामी दिनमा कपडाको आयातलाइ निरुत्साहि गर्ने सरकारको यो कामले स्वदेशी उद्योगलाई राहत प्रदान गरेको महासंघले जनाएको हो ।   

‘आर्थिक समृद्धिका लागि उद्योग खोलौं, औद्योगिकरणका लागि सबै जुटौं’ भन्ने मूल नाराका साथ आयोजना गरिन लागेको उद्योग विभागका महानिर्देशक विनोदप्रकाश सिंहले जानकारी दिए।

२०४२ सालमा १६ वटा जिल्लाका १६ जना उद्यमीहरुलाई भृकुटिमण्डपमा भेला पारि घरेलु तथा साना उद्योग विकास समितिले सरकारी तबरबाट केन्द्रियस्तरमा शुरु गरेको सानो औद्योगिक प्रदर्शनी विभिन्न आरोह अवरोह पार गर्दै ३० औँ श्रृङ्खलामा आइपुगेको उनले बताए।

विगतमा घरेलु तथा साना उद्योग विकास समितिले राष्ट्रिय औद्योगिक प्रदर्शनी तथा उत्कृष्ट लघु घरेलु तथा साना उद्यमी पुरस्कार कार्यक्रमका नामबाट अति महत्वपूर्ण र विशेष प्राथमिकताका साथ सञ्चालन गरिरहेको यस कार्यक्रमले देशभरी छरिएर रहेका लघु घरेलु तथा साना उद्योगका उत्पादनलाई राष्ट्रिय बजारमा मूलप्रवाहिकरण गर्ने र उद्यमीलाई सम्मान तथा पुरस्कृत गरि हौसला प्रदान गर्दै आएको छ।

२०४६ सालदेखि कार्यक्रममा उत्कृष्ट उद्यमी पुरस्कार समेत समावेश गरि सञ्चालन हुदै आएको कार्यक्रमले अहिलेसम्म आइपुग्दा सयौं लघु घरेलु तथा साना उद्यमीलाई पुरस्कृत गरि सकेको छ ।

महासंघका अध्यक्ष श्याम प्रसाद गिरीले हालसम्म चार लाख १८ हजार ५२ घरेलु र साना उद्योगहरु दर्ता भएको भए तापनि आर्थिक वर्ष २०७४र७५ सम्मको तथ्याङ्क हेर्दा मुलुकभर दर्ता कायम रहेका घरेलु तथा साना उद्योगहरुको संख्या दुई लाख ९९ हजार ३११ देखिएको बताउँदै तीमध्ये घरेलु उद्योगको संख्या १७ हजार २८९ रहेको जानकारी दिए।

विभिन्न तथ्यहरु हेर्दा लघु घरेलु तथा साना उद्योगको उत्पादनको विविधिकरण र प्रवद्र्घन बिना स्वतन्त्र र आत्म निर्भर अर्थतन्त्र निर्माण गर्न सम्भव नदेखिएको भन्दै अध्यक्ष गिरीले स्वदेशी वस्तुको उत्पादन बढाई रोजगारका अवसर समेत श्रृजना गरी आर्थिक समृद्धि हासिल गर्न टेवा पुर्याउने, लघु घरेलु तथा साना उद्योगका उत्पादनलाई प्रदर्शनीको माध्यमबाट क्रेता बिक्रेताबीच सम्पर्क बढाई बजार प्रवद्र्धनमा सहयोग गर्ने, राष्ट्रियस्तरमा माग अनुरुपका वस्तु उत्पादन गर्न उद्यमीलाई प्रोत्साहन गर्ने र मुलुकभरका उद्यमीहरुको सीप, प्रविधि र उद्यमशिलताको कदर गरि राष्ट्रिय स्तरमा सम्मान र पुरस्कृत गर्ने उद्देश्यका साथ यो प्रदर्शनीको आयोजना गरिदै आएको बताए।

उक्त प्रदर्शनीमा जम्मा २०० लघु घरेलु तथा साना उद्योगका उत्पादनहरुको स्टल रहने छन् जसमध्ये ७७ जिल्लाबाट प्रति जिल्ला कम्तीमा एक उद्यमीको सहभागिता सुनिश्चिता गरिएको छ। प्रदर्शनी अवधीमा १ लाख ५० हजारले अवलोकन गर्ने र पाँच करोड भन्दा बढिको आर्थिक कारोबार हुने अपेक्षा गरिएको छ।

नेपालका ७७ वटै जिल्लाका लघु घरेलु तथा साना उद्यमीहरुको सहभागिता रहने यस प्रदर्शनीमा प्रदेशस्तरीय उत्पादनहरुको छुट्टै प्याभिलियन रहने, महिला उद्यमशीलता प्रदर्शनी तथा उत्कृष्ट उद्यमीहरुलाई पुरस्कार प्रदान गर्ने कार्यक्रम रहेको छ।

प्रदर्शनीमा घरेलु तथा साना उद्योग विकास समिति, नेपाल उद्योग बाणिज्य महासंघ, नेपाल उद्योग परिसंघ, नेपाल चेम्बर अफ कमर्स, नेपाल हस्तकला महासंघ, साना तथा मझौला व्यवसाय महासंघ र राष्ट्रिय लघु उद्यमी महासंघसँगको सहकार्य गरिएको छ।



प्रकाशित: २०७६ जेठ २०
June 3rd 2019

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार