निर्माण सञ्चार, २९ भदौ, २०७७ । कोरोना महामारीका बेला स्वास्थ्य उपकरण खरिदमा विवादित बनेको ओम्नी बिजनेश कर्पोरेट इन्टरनेशनल (ओबिसिआई) लाई सरकारले कालोसूचीमा राखेको छ ।

सार्वजनिक खरिद अनुगमनको कार्यालयले सोमबार एक सूचना प्रकाशित गर्दै ओम्नीलाई एक वर्षसम्म कालोसूचीमा राखिएको जनाएको हो । 

अब ओम्नीले एकवर्षसम्म अन्य खरिद प्रक्रियामा सहभागी हुन पाउने छैन ।

तोकिएको समयमै स्वास्थ्य सामग्री आपूर्ति गर्ने जिम्मा पाएर पनि आपूर्ति नदिएपछि कम्पनी बदनाम भएको थियो । समयमै आपूर्ति गर्न नसकेपछि ठेक्का रद्द भएको थियो । त्यसपछि स्वास्थ्य सेवा विभागले ओम्नीलाई कालोसूचीमा राख्नका लागि सिफारिस गरेको थियो।

सिभिल वक्र्सका अरु कम्पनी पनि कालोसूचीमा

खरिद अनुगमन कार्यालयले आजै सिभल तर्फ काम गर्ने अरुण कन्स्ट्रक्सन कम्पनीलाई पनि एक वर्षका लागि कालोसूचीमा राखेको छ। सँगै, वीटी÷टौदह र फस्कु जेभीलाई पनि २ वर्षका लागि कालोसूचीमा राखेको जनाएको छ।

०००
 

प्रकाशित: २०७७ भाद्र २९