नेपाली समय: ११:३५:३४ बिहान
वि.सं २०७८ माघ १३   बिहीवार

जोरपाटी–सुन्दरीजल सडक खण्ड निर्माण सम्पन्न हुँदै– कालोपत्रे अन्तिम चरणमा– गोकर्णेश्वर

निर्माण सञ्चार, २६ कात्तिक काठमाडौं

गोकर्णेश्वर नगरपालिका अन्तर्गत पर्ने जोरपाटी सुन्दरीजल सडक खण्डको निर्माण पूरा हुने भएको छ ।

वर्सौंदेखि कालोपत्रे हुन नसकी स्थानीयले समेत वर्षा याममा सडके हिलोमा रोपाई रोपेर विरोध गरेको यो सडकको निर्माण कार्य अब अन्तिम चरणमा पुगेको हो । 
गोकर्णेश्वर नगरपालिका अन्तर्गत पर्ने जोरपाटी–सुन्दरीजल सडक खण्ड कालोपत्रे अघिको निर्माण पूरा भएको नगरपालिका स्रोतले बताएको हो ।

नगरपालिका स्रोत अनुसार उक्त सडक खण्डमा कालोपत्रेको काम यही २७ र २८ गते सम्पन्न हुँदै छ ।

कालोपत्रे गर्नुअघि धुले सडकका रुपमा सेट गरिइसकेको सडक केही दिन सुख्खा राख्नुपर्ने हुन्छ । स्थानीयलाई समेत उक्त सडकमा पिच गर्नुअघि सडकमा पानी नहाल्न २२ गते सूचना नै जारी गरेर नगरपालिकाले अनुरोध गरेको छ । 

कात्तिक मसान्तसम्ममा कालोपत्रे सम्पन्न भएमा यस क्षेत्रका जनताले अब भने यो वर्षदेखि वर्षा याममा हिले र हिउँदमा हिले सडक हिँड्नु पर्ने छैन ।

०००
 



प्रकाशित: २०७८ कार्तिक २८
November 14th 2021

सरस्वती चौलागाईं

सहकारी तथा बजार सम्बन्धित हुनुहुन्छ