रेमिटेन्समा वृद्धिः ५ खर्ब ६७ अर्ब भित्रियो, रोजगारीमा जानेको दर घट्दो, आयात बढ्न थाल्यो, खुम्चियो शोधनान्तर बचत
प्रतिवेदन अनुसार वैदेशिक रोजगारीमा गएकाहरुले पठाएको रेमिटेन्स ६.७ प्रतिशतले बढेको छ। यो भनेको ४ अर्ब ८१ करोड डलर हो।
वैदेशिक रोजगारीमा घट्दो क्रम
तर, रेमिटेन्स सामान्य रुपमा बढेपनि विदेश जानेहरुको संख्या भने घटिरहेको छ। रोजगारीका लागि अन्तिम श्रम स्वीकृति लिने नेपालीको संख्या ७५.९ प्रतिशतले घटेको छ। पुनःश्रम स्वीकृति लिने नेपाली संख्या ६७.४ प्रतिशतले घटेको ेदेखिएको छ।आयात बढ्न थाल्यो, खुम्चियो शोधनान्तर बचत, वैदेशिक लगानी पनि ३७ प्रतिशतले घट्यो
आर्थिक प्रतिवेदनले चालू आर्थिक बर्षको पहिलो ७ महिनामा देशको शोधनान्तर ९७ अर्ब ३६ करोडले बचतमा रहेको देखाएको छ । कोरोनापछि अर्थतन्त्र चलायमान हुँदै आयात बढ्न थालेसँगै शोधनान्तर बचतमा गिरावट आउने थालेको छ । चालू आबको पहिलो ६ महिनामा शोधनान्तर स्थिती १ खर्ब २४ अर्ब ९२ करोड रुपैयाँले बचतमा रहेकोमा ७ महिनामा आईपुग्दा साढे २७ अर्ब रुपैयाँले घट्न पुगेको छ । पछिल्लो समय देशमा भित्रने रेमिटान्स बढेपनि सोही अनुरुप आयात पनि बढ्न थालेकाले सोधनान्तर स्थिती खुम्चिन पुगेको प्रतिवेदनले देखाएको हो । चालू आबको पहिलो ६ महिनामा नेपालले विभिन्न मुलुकबाट गर्ने आयात ४।८ प्रतिशतले घटेकोमा ७ महिनामा आइपुग्दा सामान्य बढ्न पुगेको छ । तर अघिल्लो अबको सोही अबधिको तुलनामा भने शोधनान्तर स्थिति बढेको छ । अघिल्लो वर्षको सोही अवधिमा शोधनान्तर स्थिति २१ अर्ब ६१ करोडले बचतमा रहेको थियो । प्रतिवेदनले प्रत्यक्ष वैदेशिक लगानीमा ३७.३ प्रतिशतले गिरावट आएको उल्लेख गरेको छ । अघिल्लो वर्षको पहिलो ७ महिनामा १४ अर्ब ३८ करोड रुपैयाँ वैदेशिक लगानी भित्रिएकोमा चालू आबको सोही अबधिमा ९ अर्ब २ करोड मात्रै भित्रिएको छ । ०००प्रकाशित: २०७७ चैत्र ४
सम्बन्धित समाचार
खुल्यो देशकै ठुलो आइपिओः भर्ने होइन त ?
२०७७ माघ २
सेयर बजारमा निरन्तर नयाँ रेकर्ड
२०७७ पौष २७
अबदेखि अन्तर बैंक एटिएमबाट सेवा लिंदा शुल्क लाग्ने
२०७७ मंसिर १९
निर्माण सञ्चार
निर्माण सञ्चार : पुनःनिर्माण एवं प्रकोप चेतना विस्तारको पहरेदार
प्रतिक्रिया दिनुहोस्