नेपाली समय: ०७:४३:०१ बेलुका
वि.सं २०७७ जेठ २०   मंगलवार

बुटवल कोरोना अस्पतालमा मृत्यु हुने युवकबारेः आफन्त भन्छन् कोरोनाले मार्योः तर रिपोर्ट ‘नेगेटिभ’ !

निर्माण सञ्चार, १७ चैत, काठमाडौं । आइतबार बुटवलस्थित धागो कारखानामा खडा गरिएको कोरोना विशेष अस्पतालमा मृत्यु हुने बाबुराम थापाको रिपोर्ट भने ‘नेगेटिभ’ आएको छ । उनी कोरोना आशंकामा चैत १३ गते आइसोलेसनमा भर्ना भएका थिए । उनको आइतबार दिउँसो मृत्यु भएको थियो ।

  • आशंका मेटाउने काम गर सरकारः उपचार र रेस्क्यु प्रभावकारी बनाऊ !
पाल्पा रिब्दिकोट गाउँपालिका–६ स्थायी घर भएका उनी सैनामैना नगरपालिका–४ सिसौडाँडामा कोठा भाडामा बस्दै आएका थिए ।

परिवार स्रोत अनुसार थापा ६ चैतमा दुबईबाट आएका थिए । ज्वरो आउने क्रम नरोकिए पछि उनी उपचारका लागि सो अस्पतालमा भर्ना भएका थिए । 

३४ वर्षीय थापाको स्वाब परीक्षण नतिजा ‘नेगेटिभ’ आएको राष्ट्रिय जनस्वास्थ्य प्रयोगशाला टेकुले जनाएको छ । उनको स्वाब ‘दुई पटक टेस्ट गर्दा पनि नेगेटिभ रिपोर्ट आयो,’ प्रयोगशाला स्रोतको भनाइ छ ।

तर, परिवारजन भने यो स्वीकार गर्न मान्दैन । किनकि, ती बिरामीका सबै लक्षण कोरोनाजन्य थिए । उनको शव उठाउन पनि कोही नआएको उनकी श्रीमती रीतालाई उद्धृत गर्दै एक स्थानीयले बताए । उनका २ सन्तान रहेका छन् ।

अस्पतालले १८ घण्टासम्म जाउलो समेत खान नदिएको भन्दै मृतक थापाले शनिबार मात्रै श्रीमती रीतासँगको फोन संवादमा रोएका थिए । 

सरकारले सुरु गरेको उपचारमा पर्याप्त जनशक्ति नभएको, र भएको साधान स्रोत समेत उचित रुपमा प्रयोग गर्न नसकेको बुटवलबासीको गुनासो छ ।

मृतक थापा चैत ६ गते घर आएका थिए । घर आउँदा उनमा सुरुमा हल्का ज्वरो आएको थियो ।

लगत्तै उनले स्थानीय अर्याल फार्मेसीमा चेकजाँच गरी टाइफाइडको औषधि प्रयोग गरेको परिवार स्रोतले बतायो । 

तर, बिमार भनेजस्तै गरी निको नभएपछि छिमेकीहरुको समेत सुझावमा कोरोनाको जाँच गर्न भनी उनी उक्त अस्पतालको आइसोलेसन १३ चैत गते भर्ना भएका थिए । 

रिपोर्ट पछि अस्पतालले परिवारलाई शव बुझाउने तयारी गरको थियो । तर शव बुझ्ने हिम्मत गरी कोही पनि अघि नसरेको स्थानीय बताउँछन् ।

सरकारले यतिबेला रेस्क्युका लागि नेपाली सेना र प्रहरी परिचालन गरिएको भने पनि फिल्डमा काम र परिणाम त्यस्तो नदेखिएको स्थानीय बताउँछन् । 

 

 

०००

पढौं यो पनि

कोरोना अपडेटः कोरोना आशंकामा अस्पताल भर्ना भएका सैनामैनाका एक युवकको मृत्यु !

 



प्रकाशित: २०७६ चैत्र १७
March 30th 2020

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार