नेपाली समय: ०४:५६:१९ अपरान्ह
वि.सं २०७९ आषाढ २२   बुधवार

गोकर्णेश्वरको ३ नम्बर वडा कार्यालय बन्यो, नगर प्रमुख चालिसेले गरे उद्घाटन

निर्माण सञ्चार १३ चैत, काठमाडौं

गोकर्णेश्वर नगरपालिकाका नगर प्रमुख सन्तोष चालिसेले मेलम्चीको कार्यालयमा आयोजना भएको एक कार्यक्रलाई सम्बोधन गर्दै नगरवासीले पानी खान पाउने व्यवस्था गर्न खानेपानी मन्त्रालयलाई आग्रह गरेका छन् । 

विश्व पानी दिवसको अवसरमा खानेपानी मन्त्रालय र सरोकारवाला निकायले गरेको उक्त कार्यक्रममा बोल्दै पानीको मूल मुनीका बासिन्दाले पानी खान नपाउने नीति गलत भएको नगर प्रमुख चालिसेले बताएका हुन् । 

त्यस्तै, गोकर्णेश्वर नगरपालिकाको वडा नं ३ को नवनिर्मित भवनको नगरप्रमुख चालिसेले बुधबार एक समारोहबिच उद्घाटन गरे । 
एक करोड तेत्तिसलाखको लागतमा बनेको उक्त तीन तले भवन उद्घाटनलाई सम्बोधन गर्दै नगरप्रमुख चालिसेले आफ्नो ५ वर्षे कार्यकालको अत्यसम्ममा सबै वडाले आफ्नै सुविधासम्पन्न भवनबाट काम गर्ने बताए । 

‘उपत्यकामा पानी यही नगरपालिकाबाट जाने गरे पनि त्यसको उपयोग स्थानीय नगरवासीले गर्न नपाउनु र हेरेर बस्न पर्नु दुःखको कुरा हो’ नगरप्रमुख चालिसेले भने । 
आफ्नै आयोजनाको पानी नगरवासीले खान नपाउनुको पीडा बुझेर आवश्यक नीत बनाई पानी उपलब्ध गराउन माग गर्दै दीर्घकालीन सोच वीनाको विकासले देश अगाडी बढ्न नसकेकोप्रति जोड दिए । 

हचुवामा काम गर्ने जागिरे विज्ञका कारण देशले सही दिशा लिन नसकेको नगरप्रमुख चलिसेले आरोप लगाए । नगर प्रमुख चालिसेले देशमा नीति योजनामा देखिएको गल्तिले नागरिकले दुःख पाइरहेको प्रष्ट पारे ।

खेलकुदलाई विशेष प्राथमिकता दिने नगर गोकर्णेश्वर

यसैबिच गोकर्णेश्वर  नगरपालिका खेलकुदमा बजेट विनियोजन गर्ने देशकै पहिलो नगरपालिका भएको नगरप्रमुख चालिसेले दाबी गरेका छन् । 

नगरपालिकाको युवा तथा खेलकुद विकास समितिको १० गते कार्यालय उद्घाटन गर्ने कार्यक्रमलाई सम्बोधन गर्दै सो कुरा बताएका हुन् । 

खेलकुदले नगरपालिकाको शान र नाम बढाएको भन्दै नगरप्रमुख चालिसेले नगरपालिकाको सहयोगमा व्याटमिण्टन कोर्टहरु, कराँते हलहरु, भलिबल कोर्टहरु बनिरहेका र २ वटा फुटबल

गा्रउण्ड समेत १ महिना भित्र तयार हुने गरी निर्माण भैरहेको जानकारी समेत गराए । 

देशभरमै यो नगरपालिका खेलकुदमा अग्र स्थानमा रहेकोमा खुशी व्यक्त गर्दै विभिन्न खेलका धेरै खेलाडी र प्रशिक्षक यसै नगरपलिकामा रहेकाले खेलकुदलाई प्राथमिकतामा राखिएको प्रष्ट नगरप्रमुख चालिसेले प्रष्ट पारे । 
 

०००



प्रकाशित: २०७८ चैत्र १३
March 27th 2022

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार