नेपाली समय: ०४:२७:५८ अपरान्ह
वि.सं २०७६ मंसिर २०   शुक्रवार

विद्याको घरदैलोमा लिपुलेकको चर्चाः मतदाताले भने, ‘ओलीको अडान नडगमगाओस, विद्यालाई नै भोट दिन्छौं’

निर्माण सञ्चार, ३ मंसिर, काश्की । काश्की क्षेत्र नम्बर–२ का लागि घोषणा गरिएको उपनिर्वाचन यतिबेला बाक्लिदै छ । मुख्य प्रतिस्पर्धीका रुपमा एकातिर सत्तारुढ दल र अर्काेतर्फ प्रमुख प्रतिपक्षी नेपाली काँग्रेस आमने सामने उभिएका छन् ।

देशको राजनीतिक मुद्दा भने यतिबेला छिमेकी भारतले मिचेको भूभाग बन्न थालेको छ । दुवै दलका नेतालाई मतदाताहरुको एउटै प्रश्न हुन थालेको छ, ‘लिपुलेक नेपालकै बनाउने तागत भएको राष्ट्रवादी नेता जो हो उसैलाई भोट दिने छौं ।’

मतदाताको प्रश्नले उम्मेदवारहरु ‘लिपुलेका नेपालकै हो’ भन्न त पछि परेका छैनन् । तर, विगतको नाकाबन्दी समेतको चर्चा चल्दा काँग्रेस नेतालाई जवाफ दिन हम्मे हम्मे परेको देखियो ।

यता, प्रधानमन्त्री ओलीले ‘लिपुलेकबाट भारतीय सेना फिर्ता जानै पर्ने’ धारणा राखेसँग सत्तारुढ दलका कार्यकर्ताहरुको भने नाक जोगिएको छ ।

उनीहरुले प्रधानमन्त्रीले ‘लिपुलेक हाम्रै हो, एक इन्च पनि मिच्न दिने छैनौं’ भन्ने ओली वाक्यलाई लिएर भारतीय मिडियामा आएको तरंगलाई समेत चुनावी मसला बनाएका छन् ।

...
मंगलबार बिहानको घरदैलोमा यस्तै भयो । सत्तारुढ दल नेकपाका उम्मेदवार विद्या भट्टराईको घरदैलो कार्यक्रममा सहभागीहरुले राष्ट्रवादी अडानमा खुट्टा नकमाउन प्रधानमन्त्री ओलीलाई सुझाव समेत दिएका छन् ।

उक्त क्षेत्रको वडा–७ स्थित मासबारमा भएको घरदैलो कार्यक्रममा महिलाहरुको उल्लेखनीय सहभागिता रहेको युवा संघ नेता माधव बास्तोलाले बताए ।

सहभागीहरुले नेतृ भट्टराईलाई बहुमतले विजय गराउनेबारे लिपुलेकलाई पनि जोडेका हुन् । 

‘हामी महिलाहरु नै भएकाले विद्याजी नै हाम्रो नेता हो । उनलाई नै हाम्रो भोट जाने छ,’ सञ्चारकर्मीसँग बोल्दै गृहिणी टीका बराल र नानीमैया बरालले भने, ‘हामीले विद्याजीलाई प्रधानमन्त्री ओलीको राष्ट्रवादी अडानमा खुटट नकमाउन समेत सुझाव दिन भनेका छौं ।’

यस्तै बोली छ स्थानीय माधव अधिकारीको पनि ।

घरदैलोमा उत्साहजनक तरिकाले मानिसहरु बाक्लिदै गएकाले उम्मेदवार भट्टराई उत्साही र भावुक दुवै बनेको देखिन्छ । विशेष गरी, स्वर्गीय रविन्द्र अधिकारीको गहिरो छाप परेको सो क्षेत्रका मतदाताहरु भट्टराईको मुहारमा रवीन्द्रलाई खोजिरहेको भान हुन्छ ।

०००

पढौं यो पनि



प्रकाशित: २०७६ मंसिर ३
November 19th 2019

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार