नेपाली समय: ०१:०८:४२ बिहान
वि.सं २०७७ आश्विन १५   बिहीवार

कोरोना संक्रमणबाट नेपालमा पहिलो मृत्यु ! १० दिनकी सुत्केरी महिलामा कहाँबाट भयो संक्रमण खोजी गर ! मृतक महिलाको पशुतिमा संस्कार

निर्माण सञ्चार, ३ जेठ, काठमाडौं । नेपालमा कोरोना भाइरस (कोभिड १९) संक्रमणबाट पहिलो मृत्यु भएको छ । 

१० दिनकी सुत्केरी उनी सिन्धुपाल्चोक बाह्रबिसेकी हुन् । २९ वर्षीया उनको कोभिड १९ संक्रमणबाट मृत्यु भएको स्वास्थ्य तथा जनसंख्या मन्त्रालयले पुष्टि गरेको हो ।

कहाँबाट भयो संक्रमण ? 

मृतक साबित्री चालिसे १० दिनअघि मात्र त्रिवि शिक्षण अस्पतालबाट सुत्केरी भएर घर फर्केकी थिइन् ।

नर्मल डेलिभरीबाट छोरा भएकी उनी र सन्तान दुवैको अवस्था सामान्य थियो । मन्त्रालयले दिएको जानकारी अनुसार उनको २५ गते डिस्चार्ज भएको थियो । त्यसपछि उनीहरु बाह्रबिसेस्थित घर गएका थिए ।

  • कहाँबाट भयो संक्रमण ?
  • मृतक महिलाको पशुतिमा संस्कार
घर पुगेको केही दिनमै उनलाई ज्वरो र खोकी सुरु भयो । साथै स्वासप्रश्वासमा समस्या देखियो । बाह्रबिसे प्राथमिक स्वास्थ्य केन्द्रमा उपचार गर्दा निको नभएपछि उनलाई धुलिखेल अस्पताल ल्याउँदै गर्दा बाटैमा निधन भएको थियो ।

समस्या कोरोनाको लक्षणसँग मिल्दोजुल्दो देखिएपछि उनको पीसीआर विधिबाट परीक्षण गर्दा रिपोर्ट संक्रमण भएको पुष्टि भयो ।

राष्ट्रिय जनस्वास्थ्य प्रयोगशालामा गरिएको परीक्षणमा पनि उनको रिपोर्ट पोजेटिभ नै आएको छ । 

मृतक चालिसेको मृत्यु कोरोनाकै कारण भएको हो वा होइन भनी यकिन गर्न स्वास्थ्य तथा जनसंख्या मन्त्रालयले शनिबार अध्ययन टोली धुलिखेल अस्पतालमा पठाएको थियो । 

टोलीले गरेको अध्ययन र परीक्षण पछिको रिपोर्टका आधारमा मन्त्रालयले उनको मृत्यु कोरोनाका कारण भएको घोषणा गरेको छ । 

मन्त्रालयले शनिबार साँझ जारी गरेको विज्ञप्तिमा भनिएको छ, ‘विस्स्वृत विवरण लिइएको र कोभिड १९ सँग सम्बन्धित थप परीक्षण पश्चात नेपालमा कोभिड १९ बाट मृत्युभएको पहिलो घटना भएको पुष्टि भएको छ ।’

मृतक महिलाको पशुतिमा संस्कार

मृतक महिलाको शनिबार राति नै राजधानीको पशुपति आर्यघाटमा दाहसंस्कार गरिएको छ।  

उनको विद्युतीय शवदाह गृहमा शव जलाइएको हो । धुलिखेल अस्पतालमा मृत्यु भएकी उनको शव एम्बुलेन्समार्फत पशुपति आर्यघाट ल्याइएको थियो । प्रहरीको विशेष सुरक्षा कमान्डले उनको अन्तिम संस्कार गराएको थियो । 

इन्सपेक्टरको कमान्डमा प्रहरी टोली, नेपाली सेनाका दुई प्रतिनिधि, स्वास्थ्य मन्त्रालयका एक प्रतिनिधि र परिवारका केही मात्र सदस्यहरु आर्यघाट पुगेका थिए । 

नजिकै रहेको महानगरीय प्रहरी बृत्त गौशालाको प्रहरी पनि पशुपति पुगेको गौशाला प्रहरीले जानकारी दिएको हो ।

 

मन्त्रालयले जारी गरेको विज्ञप्ति 
कभर फोटो कोरोना मृतकका लागि विशेष सुरक्षा सहित तयार भएको प्रहरी कमान्डको हो ।
०००

Read This sroty also

शिक्षण अस्पतालमा सुत्केरी भएकी बाह्रबिसेकी महिलाको धुलिखेल अस्पतालमा मृत्यु, कारण आउँदै

 

पहिलो पल्ट देखियो काभ्रे, सिरहा र महोत्तरीमा कोरानाः ३ थपिएसँगै संक्रमितको संख्या २७९

 

 



प्रकाशित: २०७७ जेठ ३
May 16th 2020

निर्माण सञ्चार

निर्माण सञ्चार : पुनःनिर्माण एवं प्रकोप चेतना विस्तारको पहरेदार