२३ वर्षपछि चिनियाँ राष्ट्रपति नेपालमाः सीलाई स्वागत गर्दाको काठमाडौं दृश्य !

निर्माण सञ्चार, २५ असोज, काठमाडौं । राष्ट्रपति विद्यादेवी भण्डारीको औपचारिक निमन्त्रणामा चिनियाँ राष्ट्रपति सी जिनपिङ नेपाल आइपुगेका छन् । समकक्षी भण्डारीले त्रिभुवन अन्तर्राष्ट्रिय विमानस्थलमा स्वागत गरे लगत्तै राष्ट्रपति सीलाई नेपालका तर्फबाट ‘गार्ड अफ अनर’द्वारा पनि स्वागत गरिएको थियो ।

सीलाई ‘गार्ड अफ अनर’

त्रिभुवन विमानस्थलमा राष्ट्रपति भण्डारीले स्वागत गरे लगत्तै विमानस्थलको अति विशिष्ट कक्षको गेटमा मित्रराष्ट्र चीनका राष्ट्रपतिलाई नेपाली पञ्चकन्याले माला दिएर स्वागत गरेका गरेका थिए ।

पञ्चकन्याले स्वागत गरे लगत्तै सीको सम्मानमा नेपाली सेनाबाट सम्मानगारत ‘गार्ड अफ अनर’ दिइएको थियो ।
...
राष्ट्रपति सी नेपाल आउनु अघि भारतको चेन्नईबाट नेपाल उडेका थिए । उनी चढेको विमान नेपाली समयअनुसार ४ः१० मा त्रिभुवन अन्तर्राष्ट्रिय विमानस्थलमा ल्यान्डिङ गरेको हो । भारत भ्रमण सकेलगत्तै उनले चेन्नई अन्तर्राष्ट्रिय विमानस्थलबाट नेपाली समयाअनुसार २ः०३ मिनेटमा नेपाल प्रस्थान गरेका थिए ।

राष्ट्रपति सी नेपाल भ्रमण विशेष रिपोर्ट

सीको स्वागतार्थ त्रिभुवन अन्तर्राष्ट्रिय विमानस्थलमा समकक्षी विद्यादेवी भण्डारी सहित उपराष्ट्रपति नन्दबहादुर पुन, प्रधानमन्त्री केपी शर्मा ओली, राष्ट्रिय सभाका अध्यक्ष लगायत मन्त्रीहरु विमानस्थल पुगेका थिए ।

मित्रराष्ट्र चीनबाट २३ वर्ष पछि उच्च तहको यो भेट भएको हो । यसअघि सन् १९९६ मा चिनियाँ राष्ट्रपति जियाङ जेमिनले नेपालको राजकीय भ्रमण गरेका थिए।

नेपाली आकाश र धर्तीमा सी छाए यसरी