निर्माण सञ्चार, २६ कात्तिक, काठमाडौं । मुलुकको समृद्धिबारे विभिन्न बहस चलिरहेकै बेला पूर्वाधार बिना समृद्धि टाढाको विषय हुने बताउँछन् पूर्वाधार परामर्शदाता इन्जिनियरहरु ।

यही सन्दर्भमा सोसाइटी अफ कन्सल्टिङ आर्किटेक्चरल एण्ड इन्जिनियरिङ फर्मस (स्कायफ) ले मंसिर २ देखि ४ गतेसम्म नेपालको पूर्वाधार परामर्श क्षेत्रमा नयाँ आयाम समेत थप गर्ने उद्देश्य सहित ३ दिने अन्तर्राष्ट्रिय सम्मेलन गर्ने भएको छ । 

• मंसिर २ देखि ४ गतेसम्म नेपालको पूर्वाधार परामर्श क्षेत्रमा नयाँ आयाम समेत थप गर्ने उद्देश्य सहित ३ दिने अन्तर्राष्ट्रिय सम्मेलन

आफ्नो २९ औं वाषिकोत्सवको अवसर पारेर गर्न लागिएको यस अन्तर्राष्ट्रिय सम्मेलनको नारा ‘रेजिलेन्ट इन्फ्रास्ट्रक्चर फर बेटर टुमरो’  (‘सुनौलो भविष्यका लागि दिगो÷बलियो पूर्वाधार) भन्ने रहेको छ । जसको आयोजकमा स्क्याफ सहित नेपाल सरकारको राष्ट्रिय पुनर्निर्माण प्राधिकरण रहेको छ ।

भूकम्प पछिको असरलाई मूल्यांकन गर्दै पूर्वाधार निर्माणमा पनि दिगोपनको आवश्यकता महसुस भएकाले उक्त नारामा अन्तर्राष्ट्रिय सम्मेलन गर्न लागिएको आयोजक पुनर्निर्माण प्राधिकरणका कार्यकारी सदस्य डा चन्द्रबहादुर श्रेष्ठले बताए ।

तीन दिनसम्म नै राजधानी काठमाडौंमा हुने उक्त पूर्वाधार सम्मेलनले नेपालको इन्जिनियरिङ तथा परामर्श क्षेत्रमा दूरगामी महत्त्वका विषय, ज्ञान, सीप तथा प्रविधि हस्तान्तरणबारे बहस हुने स्क्याफ महासचिव कृष्ण सापकोटाको भनाइ छ ।

राष्ट्रिय पुनर्निर्माण प्राधिकरण समेत आयोजक रहेको यस सम्मेलनमा विभिन्न शीर्षकमा राष्ट्रिय तथा अन्तर्राष्ट्रिय स्तरका कार्यपत्रहरु प्रस्तुत हुने छन् । 

पूर्वाधार क्षेत्रमा संग्लन विभिन्न निजी क्षेत्रहरुलाई ‘नलिज पार्टनर’का रुपमा लिइएको सो सम्मेलनको सहआयोजक भने नेपाल निर्माण व्यवसायी महासंघ रहेको छ ।

 

कार्यक्रमबारे सरोकारवाला कसले के भने, हेरौं भिडियो

 

https://www.youtube.com/watch?v=PupQ_2q464Q  

पढौं यो पनि

स्क्याफ २९औं वार्षिक महोत्सवः सुनौलो भविष्यका लागि बलियो पूर्वाधार’ मा हुने अन्तर्राष्ट्रिय सम्मेलनबारे के भन्छन् सरोकारवाला ? (भिडियो सहित)

स्क्याफ–२९–औं वार्षिकोत्सवः दिगो पूर्वाधार विकासका लागि तेस्रो अन्तर्राष्ट्रिय संगोष्ठी, ‘नलिज सेयरिङ’को स्वर्णिम अवसर बन्ने

 

प्रकाशित: २०७६ कार्तिक २६