कपिलवस्तुमा थपिए एकैदिन १० कोरोना संक्रमितः संख्या १२० पुग्‍यो, नेपालमा कुन जिल्लामा कति संक्रमित ?

निर्माण सञ्चार, २९ वैशाख, काठमाडौं । पछिल्लो आँकडा अनुसार नेपालमा कोरोना भाइरस (कोभिड–१९) बाट संक्रमित हुनेहरु १२० पुगेका छन् ।

कपिलवस्तु जिल्लाका रहेका स्वास्थ्य मन्त्रालयका सहप्रवक्ता डाक्टर समिरकुमार अधिकारीले जानकारी दिए अनुसार कपिलवस्तुमा सोमबार थप १० जना नयाँ संक्रमित थपिएसँगै १२० जना पुगेका हुन् ।

राष्ट्रिय जनस्वास्थ्य प्रयोगशाला टेकुमा गरिएको परीक्षणले थप १० जनामा कोरोना संक्रमण पुष्टि भएको हो ।

कुन उमेर समूहका संक्रमित ?

राष्ट्रिय जनस्वास्थ्य प्रयोगशालाका अनुसार संक्रमित मध्ये कपिलवस्तुको यशोधरा गाउँपालिका–५, र बुद्धभूमि नगरपालिका–७ जना रहेका छन् । जसमा क्रमशः १८, १९, २०, २०, २४, ३०, ३१, ३४, ३४ वर्षका पुरुषहरु रहेका छन् भने तिनमा एकको उमेर खुलेका छैन । उमेर नखुलेका पुरुष सहित १० जनामा संक्रमण पुष्टि भएको छ ।

नेपालमा संक्रमितको आँकडा हेर्दा हालसम्म उदयपुरमा ३२, पर्सामा २५, बाँकेमा २४, कपिलवस्तुमा १५, काठमाडौंमा ५, कैलालीमा ४, रौतहटमा ३ तथा बागलुङ, बारा, चितवन र झापामा २–२ जनामा कोरोना संक्रमण देखिएको छ । मन्त्रालयले दिएको जानकारी अनुसार भोजपुर, सर्लाही, रुपन्देही र कञ्चनपुरमा एक–एक जनामा संक्रमण पुष्टि भएको छ

यसरी, कपिलवस्तुमा मात्रै संक्रमितको संख्या १५ पुगेको छ । तर, संक्रमित सबैको स्वास्थ्य अवस्था भने सामान्य नै रहेको मन्त्रालयले जनाएको छ ।

कुन जिल्लामा कति संक्रमित ?

नेपालमा संक्रमितको आँकडा हेर्दा हालसम्म उदयपुरमा ३२, पर्सामा २५, बाँकेमा २४, कपिलवस्तुमा १५, काठमाडौंमा ५, कैलालीमा ४, रौतहटमा ३ तथा बागलुङ, बारा, चितवन र झापामा २–२ जनामा कोरोना संक्रमण देखिएको छ ।

मन्त्रालयले दिएको जानकारी अनुसार भोजपुर, सर्लाही, रुपन्देही र कञ्चनपुरमा एक–एक जनामा संक्रमण पुष्टि भएको छ ।

संक्रमण पुष्टि भएकामध्ये ३३ जना निको भएर घर फर्केका छन् ।

नारायणी अस्पताल वीरगन्जबाट कोभिड–१९ निको भएर गएका २ जनामा पुनः गरिएको पिसिआर परीक्षणमा पोजिटिभ देखिएपछि उनीहरूलाई थप परीक्षणका लागि अस्पताल भर्ना भएका छन् ।

त्यस्तै, काठमाडौको सनसिटी अपार्टमेन्टमा बस्ने ५२ वर्षीय पुरुषको पिसिआर रिपोर्ट पोजिटिभ देखिएपछि पाटन अस्पतालमा उपचारपछि डिस्चार्ज भएका उनी उपचारकै लागि फेरि अस्पताल भर्ना भएका छन् ।

०००

पढौं सम्बन्धित समाचार