राजधानीका प्रसूति, वीरजस्ता अस्पताल सिल गरौंः अस्पतालमा पनि छिर्‍यो कोरोनाः टिचिङमा ६ वर्षे बालिका संक्रमित !

निर्माण सञ्चार, १ जेठ, काठमाडौं । काठमाडौंमा कोरोना संक्रमण घरदेखि अस्पतालसम्म फैलिएको देखिन्छ । पछिल्लो अपडेट अनुसार टिचिङ अस्पताल महारजगन्जमा उपचाररत ६ वर्षे बालिकामा पनि कोरोना पोजिटिभ देखिएको छ ।

उनी केही दिन अघि कपिलवस्तुबाट उपचारका लागि उक्त अस्पतालमा भर्ना भएकी थिइन् । त्रिवि शिक्षण अस्पतालको न्यूरो सर्जरी वार्डमा उपचारका लागि भर्ना भएको अस्पताल स्रोतले बतायो ।

उनलाई ‘रेस्पिरेटोरी प्यापिलोम्याटोसिस’ (स्वासनलीमा मासु पलाएको) देखिए पछि उपचारका लागि ल्याइएको थियो ।
तर, अस्पतालले शल्यक्रिया गर्नु अघि सतर्कताका लागि पिसिआर परीक्षण गर्दा कोरोना पोजिटिभ देखिएको पाइएको हो ।

काठमाडौंमा कोरोना संक्रमण घरदेखि अस्पतालसम्म फैलिएको देखिन्छ

यसरी शल्यक्रियाका लागि अस्पताल भर्ना गरिएकी बालिकामा कोरोना पोजिटिभ देखिएपछि यतिबेला अस्पताल परिसर त्रसित बनेको छ । कार्यरत चिकित्सक, स्वास्थ्यकर्मी, कर्मचारी, अन्य बिरामी तथा तिनका कुरुवाहरु त्रसित छन् ।

उनीमाथि केही बेरमै कन्ट्याक्ट ट्रेसिङ गर्ने तयारी भइरहेको अस्पताल स्रोतले बतायो । त्यसपछि मात्रै अस्पताल सिल गर्ने वा कुन विधि अपनाउने भन्ने छलफल भइरहेको छ ।

तर, काठमाडौंका सबै अस्पात, प्रसूति गृह, कान्तीबाल अस्पतालहरु सिल गरेरै जानु राम्रो देखिन्छ । किनकि, प्रसूति जस्तो अस्पतालमा तराई क्षेत्रबाट पनि सुत्केरी बिरामीहरु आइरहेका छन् ।

सिल गरेर बाहिर भित्र गर्नै नदिई मानिसहरुमा परीक्षण गर्नु नै राम्रो हुने देखिन्छ ।

यस अघिसम्म नेपालमा कोरोना संक्रमित २५० पुगिसकेका छन् ।

०००

पढौं सम्बन्धित समाचार