आमा गुमाएका १२ दिने शिशु आइसोलेसनमाः कोरोना परीक्षण हुँदै !

निर्माण सञ्चार, ४ जेठ, काठमाडौं । कोरोनाभाइरसका कारण नेपालमै पहिलो मृत्यु भएकी सिन्धुपाल्चोक बाह्रबिसेकी महिलाको १२ दिने शिशुलाई आइसोलेसनमा राखिएको छ ।

शिशुको कोरोना परीक्षणका लागि स्वाब निकालिएको छ भने परिवारका अन्य ४ जना सदस्यलाई धुलिखेल अस्पतालको आइसोलेसनमा राखिएको छ।

मृतक महिलाको १२ दिने शिशु सहित उनको श्रीमान, आमा र बहिनी रहेका छन्। उनीहरू सबैको पिसिआर परीक्षणको लागि स्वाब संकलन गरिएको अस्पतालका प्रवक्ता सुमनराज ताम्राकारले सार्वजनिक गरेका हुन् ।

मृतक महिलाको उपचारका लागि गत बिहीबार राति धुलिखेल अस्पताल पुगेका उनीहरु आजसम्म नै सोही अस्पतालमा छन् ।

उनीहरुको नतिजा भोलिसम्ममा आउने अस्पताल स्रोतको दाबी छ ।

मृतक महिला सिन्धुपाल्चोकको बाह्रविसे—९, राम्चेकी सुत्केरी थिइन् । उनको उपचारका लािग ल्याउँदै गर्दा बिहीबार धुलिखेल अस्पतालमा मृत्यु भएको घोषणा गरिएको थियो।

कारोनासँग मिल्दोजुल्दो लक्षण देखिएपछि मृत्युपछि उनको पिसिआर परीक्षण गरिएको थियो । जसबाट उनी कोरोना भाइरस संक्रमित रहेको पुष्टि भएको थियो ।

सुत्केरी केशमा महिलाले वैशाख २४ गते काठमाडौंको टिचिङ अस्पतालमा नवजात शिशुलाई जन्म दिएकी थिइन्।

ती महिलाको मृत्यु भएपछि टिचिङ अस्पतालको प्रसूति वार्ड पनि सिल गरिएको छ भने उपचारमा संलग्न लगायत ३८ जना चिकित्सक तथा कर्मचारीहरु आइसोलेसनमा छन् । सबैको स्वाब परीक्षण क्रममा छ ।

आफन्तहरु बच्चा हुर्काउनेबारे चिन्तित देखिन्छन् ।

(पुनश्चः आफन्तसँग गरिएको कुराकानीमा बच्चा हुर्काउनेबारेको चिन्तालाई अन्यथा भएकोमा सच्याइएको छ, धन्यवाद)

...

फाइल तस्वीर

०००

पढौं सम्बन्धित समाचार