कर्णाली पस्यो कोरोनाः आजसम्मकै धेरै एकैदिन ८० जना भेटिए संक्रमितः पुगे ३७५

निर्माण सञ्चार, ६ जेठ, काठमाडौं । सोमबार राति अबेरसम्ममा नेपालमा थप १८ जनामा कोरोनभाइरसको संक्रमण पुष्टि भएको छ ।

सोही दिन दिउँसो अपराह्नसम्म ६२ जनामा कोरोनाभाइरसको सक्रमण पुष्टि भएको थियो । दुवै तथ्यांक जोड्दा सोमबार मात्रै नेपालमा आजसम्मकै अधिक ८० जनामा कोरोना भाइरसको संक्रमण पुष्टि भएको देखिन्छ ।

३१ जिल्लामा कोरोना संक्रमण फैलियो कुन जिल्लामा कति कति संक्रमित हरौं डाटामा

स्वास्थ्य मन्त्रालयले दिएको जानकारी अनुसार नेपालमा संक्रमितको कूल संख्या अब ३ सय ७५ पुगेको छ । आजका दिनसम्म संक्रमितमध्ये २ जनाको मृत्यु भएको छ भने ३६ जना निको भएर घर फर्किएका छन् ।

कुन जिल्लामा कति संक्रमित ?

स्वास्थ्य तथा जनसंख्या मन्त्रालयकाअनुसार नयाँ संक्रमितहरु मध्ये धुनषा बस्ने २ पुरुषहरु, खोटाङको हलेसी निवासी १ जना पुरुष, बाँकेको नैनापुर निवासी १२ जना पुरुषहरु, दैलेख आठबिस–१ निवासी १ जना पुरुष, सुनसरी निवासी १ जना पुरुष र झापा निवासी १ जना पुरुष रहेका छन् ।

आजै दिउँसोसम्म बाँके, गुल्मी, रौतहट, बारा, धादिङ, मोरङ, दाङ र धनुषा जिल्लाका गरी ६२ जनामा कोरोनाभाइरस संक्रमण पुष्टि भएका थिए ।

त्यस्तै, गुल्मीपनि नयाँ कोरोना संक्रमित फेला परेका छन् । भैरहवाको प्रयोगशालामा गुल्मीका ४० वर्षीय पुरुषमा कोरोना संक्रमण पुष्टि भएको थियो ।

प्राप्त पछिल्लो आँकडा अनुसार कोरोना संक्रमण नेपालका ३१ जिल्लामा पुगेको छ ।

०००

पढौं सम्बन्धित समाचार