निर्माण सञ्चार, २२ जेठ, काठमाडौं । नेपालमा कोरोना भाइरस संक्रमणबाट मर्नेको संख्या दश पुगेको छ । 

पाल्पाको पूर्वखोला गाँउपालिका १ सिलुवाका ४० वर्षीय पुरुषको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले पुष्टि गरेको हो । 

पाल्पाको मिसन अस्पतालको आइसोलेसन कक्षमा उपचार क्रममा उनको ३ दिनअघि नै मृत्यु भएको थियो ।

मृत्युपछि उनको स्वाब परीक्षणका लागि भैरहवास्थित प्रदेश जनस्वास्थ्य प्रयोगशालामा पठाइएको थियो । 

प्रयोगशालाका निमित्त प्रमुख डा राजेन्द्र गिरीले उनको मृत्यु कोरोना संक्रमणबाट भएको पुष्टि गरेका हुन् । 

उनले नै स्वास्थ्य मन्त्रालयमा आधिकारिक पुष्टि दिएका थिए । कोरोना संक्रमणको आशंकामा उनको दाहासंस्कार पनि गरिएको छैन । 

०००

सम्बन्धित समाचार 

• कोरोनाबाट निधन हुने नवौं व्यक्ति बनेः न्युरो सर्जरी गरिएको दोलखाका ७६ वर्षे बृद्ध

• कोरोनाबाट आठौं निधनः मर्ने बाजुराकी २ वर्षीया बालिका दिल्लीबाट आएकी थिइन्

• कोरोना संक्रमणबाट सातौं निधन !

• कोरोनाबाट छैठौं मृत्युः घर फर्कदै गर्दा बाटोमै मृत्यु भएका युवामा कोरोना संक्रमण पुष्टि

• ६४ जिल्लामा फैलियो कोरोनाः संक्रमितको संख्या पुग्यो २३००

प्रकाशित: २०७७ जेठ २२