कोरोना संक्रमित पुगे २७६ः प्रेदश–२ का सबै जिल्ला कोरोनाले छायो, कपिलवस्तु, सिरहा र चितवनसम्म थपिए यसरी ९ संक्रमित

निर्माण सञ्चार, ३ जेठ, काठमाडौं । नेपालमा कोरोना भाइरस महामारी भड्किलो रुपमा फैलिरहेको छ ।

पछिल्ला (६ प्लस ३) ९ जना नयाँ संक्रमित सहित कोरानो भाइरस (कोभिड १९) बाट संक्रमितको संख्या २७६ पुगेको छ ।

स्वास्थ्य तथा जनसंख्या मन्त्रालयको पछिल्लो रिपोर्टअनुसार कपिलवस्तुमा थप ३ जनामा कोरोना पुष्टि भएको हो ।

संक्रमित हुनेहरुमा शिवराज नगरपालिका चन्द्रौटा निवासी २५, ३४, ४४ वर्षका पुरुषहरु रहेका छन् ।

त्यस्तै, आज बिहान मात्रै बर्दिया, सिराहा, पर्सा, सर्लाही र चितवनमा ६ जना नयाँ संक्रमितहरु थपिएका थिए ।

मन्त्रालयका अनुसार बिहान देखिएका उक्त ६ जनाको परीक्षण काठमाडौंको राष्ट्रिय जनस्वास्थ्य प्रयोगशालामा थियो ।

परीक्षणबाट बर्दियाको राजापुर नगरपालिका–११ नार्खुका २८ वर्षकी महिला, सिरहा सखुवाका ३० वर्षका पुरुष, पर्साको वीरगञ्ज महानगरपालिका– १२ का २८ र २९ वर्षका पुरुष, सर्लाही रामनगरकी १८ वर्षकी महिला र चितवन गढौली की २५ वर्षकी महिलामा कोरोना संक्रमण पुष्टि भएको थियो ।

हिजो शुक्रबारसाँझसम्म दाङमा समेत नयाँ ३ संक्रमित देखिएका थिए भने टिचिङ अस्पतालमा देखिएकी ६ वर्षकी बालिकासँगै टिचिङ अस्पतालका कर्मचारीहरुमा समेत कोरोना संक्रमण देखिएको छ ।

०००

पढौं सम्बन्धित समाचार